عاشق حقیقی
--------------
عاشق اودی جاندان گیچه جانانینه خاطر))
باش فکرینی باشدان آتا پیمانینه خاطر))
عاشق اودی هر درد و بلایه اولا صابر))
بو یولدا قصور ائتمیه ئوز جانینیه خاطر))
عاشق اودی سنگرده قیلا عشق نمازین))
قانه بویانا دینیله قرآنینه خاطر))
===============
چوخلار اوزونه عاشق آدی قویدی یالاندان
تامشهور اولا اول آدین عنوانینه خاطر
عشق آدی مقدسدی بونی ایتمیاخ انکار
ظلم ایلوری هر کس یازا خواهانینه خاطر
فر هادیله شیرین یادا اول لیلی ومجنون
مشهور بولار اولدولا دستانینه خاطر
اصلی کرمی- منصوری چوخلاریازوب عاشق
دار اوسته گئدیب هانسیسی سبحانینه خاطر
عاشق آدیئیله بولار او ل عشقی ایاقلوب
دیوانه اولوب دلبر مستانینه خاطر
عاشق دئسه هر کیمسه ذلی غلط دور
عاشق اولا بولمز او پیس عنوانینه خاطر
چوخ سعی لر ایتدی چیخادا یوسفی یولدان
یولدان ولی او چیخمادی منا نینه خاطر
ایللر بویی محبسده قالوب چکدی مشقت
یوسف چاتوب اول رتبیه ز ندانینه خاطر
یوسف اوزوده عاشق اولوب = معشو قی الله
زندانیده چوخ قالدی اونقصانینه خاطر
عاشق تانورام زره ده نقصان تاپولماز
محرابیده باتدی قانا قرآنینه خاطر
سویلردی وظیفه مدی ائدم حقه ستایش
نه اینکه اونو ن رضوان و نیرانینه خاطر
انگشترینی سائله بذل ایتدی نمازدا
تجلیل اولونوب رتبیه شایانینه خاطر
درس آلدی حسین اوغلی بونون خوش عملیندن
لب تشنه وئریب جانینی - جانانینه خاطر
انگشتری انگشیله او دشمنه وئردی
احسن آناسی سویلدی احسانینه خاطر
قویمام دئدی نو مید قئییده قتلگهیمدن
شاد ایلدی اول بجدلی وجدانینه خاطر
مینلر گله یوسف گنه ده چاتماز حسینه
دار ونه دارین بو شلادی ایمانینه خاطر
گوردی گلوری نازلی قیزی حتی دالیجا
سعی ایتدی اونی قیتره پیمانینه خاطر
یوسفده حسینون او ودعاسین گوره آغلار
مکس ایتمدی مولا قالان عوانینه خاطر
سویلوبدی باجی ساکت ایله اهل عیالی
مظلومه آنا م فخر ائده قربانینه خاطر
اسلام علمین چگنیوه آل ای گل زهرا
سیندیرما اوزون دشمن دونانیوه خاطر
من نیزده سن ناقه ده حقّی ائداخ اعلان
حقی دانان رسوا اولی کتمانینه خاطر
تا ه کیمی پرچم فرآن اسه جاقدور
قرآنیدن ال چکمز حسین جانینه خاطر
قرآنی تلاوت ایلیین نوک جداده
شکر ایلییرهر ظلمه او پیمانینه خاطر
بیعت ایلمز فاطمه نین اوغلی یزیده
کتمان ایلمز حقی آخان قانینه خاطر
ویرانه ده آج جان وئره جاخ نازلی رقییم
باش اگمیاجاخ دشمنین او- نانینه خاطر
لب تشنه ئوله گر بو حسین ظلمه باش اگمز
قبول ایلمز ذلتی فر مانینه خاطر
شش ماهه بالاسین ایلییر دینینه قربان
چوخلار قوتولار اوددان اونو ن قانینه خاطر
اتما م ایلییر حجتینی لشگر شامه
سویلر بو گلوب حر مله پیکاینه خاطر
حتی بوناسو سیز وئره سیز ایچمیوب ایچمز
سو ایچمدی عباس - لب عطشانینه خاطر
درس آلدی بولاردان بیزیم ایراندا شهیدلر
تانک آلتدا یاتوب رهبر دورانینه خاطر
عاشق او شهیدلردی کی میدان بلاده))
هر تک تکی جاندان گیچوب ایرانینه خاطر))
دنیانه قدر واردی شهید ئولمویوب ئولمز
ال چکمدی پیکاریدن عدوانینه خاطر
رزاقیدن الهامیوی سن یادگار آلدون
شاعرلره امداد اولی دیوانینه خاطر
هرشاعریکه عشقی یازوب ایلسه تحقیر
شاعر دئمه وجدان ساتور امکانینه خاطر
درباره این سایت