زینبین عاشقلری- مدافعان حرم
----------
عشقیدن ائتدی اطاعت زینبین عاشقلری
ظلمیدن ائتدی برائت زینبین عاشقلری
اولدولار یار ولایت زینبین عاشقلری
طیّ ائدیب راه سعادت زینبین عاشقلری
قویدولار تاج شرافت زینبین عاشقلری
زینبیه عشقینه بیر عده جانباز اولدولار
زینب علیا مقامه یعنی سرباز اولدولار
عشقیدن بهره آلوب لار تا سرافراز اولدولار
قاف عشقه چخدیلار عشاق ممتاز اولدولار
ائتدیلر کسب لیاقت زینبین عاشقلری
قانیله پرونده ی ایثاری امضا ائتدیلر
باش وجان جانان یولوندا اونلار اهدا ائتدیلر
غرب وهابی واسرائیلی رسوا ائتدیلر
داعشی نابود ائدیب مردانه هیجا ائتدیلر
گوستریب عالی رشادت زینبین عاشقلری
رادمردان زمان خصمی ائدیب همتله خوار
حادثات کربلا اولموشدی گویا آشکار
حرمله شمر وسنانیله ائدیب لر کار زار
حضرت عباس اولوب اول جبهه ده احراره یار
آلدیلار اوندان جسارت زینبین عاشقلری
گوردولر دین دشمنی بیداد ائدیر سوریه ده
دام ذلت شیعیه ایجاد ائدیر سوریه ده
بیلدیلر زینب اوزی فریاد ائدیر سوریه ده
سسلنیر هل من معینی داد ائدیر سوریه ده
سسلدی لبیک اوساعت زینبین عاشقلری
زینب کبری دیوبلر غیرتین قاموسیدی
مرقد پاکی ملائک لر محل بوسیدی
گوردیلر قبری اسیر دشمن منحوسیدی
سسلنوب لر بو حرم بیز شیعه نین ناموسیدی
ائتدیلر اوردان حفاظت زینبین عاشقلری
مرحبا اول رادمردان جانلارین ائتدی سپر
اول حریم عشقیدن ایلیب دیلر دفع خطر
داعشین اهداف شومی وئر مدی هرگز ثمر
قبری اوسته نصب اولوندی بیرق فتح وظفر
فخر ائدر روز قیامت زینبین عاشقلری
حقی باطل دن ازل گونده اولار سئچمیشدیلر
ساغر معناده کی می دن اولار ایچمیشدیلر
باش وجاندان راه زینب ده اولار کئچمیشدیلر
قامته رخت شهادت تک به تک بیچمیشدیلر
نوش ائدیب شهد شهادت زینبین عاشقلری
عشق ناب زینبه خاطر جوشوب رگلرده قان
ئولکه میزدن چوخلاری گئتدی وئر یب بو یولدا جان
جان وئریب لر آدلاری دیللرده قالدی جاودان
آری حق اوسته ئوله هر کس اولوبدور قهرمان
آلدیلار حقدن کرامت زینبین عاشقلری
یادگاری تقدیر و تجلیل ایله احسانیدن
یئرمی ایکی تن یاز شهیدین آدینی استانیدن
ایلدی بوللار دفاع اسلامیدن قرآنیدن
بوللارین هر تک تکی اولموش بری نقصانیدن
ایلمز کفار ه بیعت زینبین عاشقلری
جان وئریب حامد جوانی. قویمادی بوش سنگری
گلمدی عباس عبدالهینین گل پیکری
یوردومون غیرتلی اوغلی گئتدی ذاکر حیدری
اصغری و طالبی بیرده عدالت اکبری
ایچدیلر جام شهادت زینبین عاشقلری
زینبه اولدی فدا سرداریمیز سرهنگمیز
نوعر وسیندن الین چکدی شهید فر هنگیمیز
نومی سویلردی ئولونجه کفریله وار جنگیمیز
باقری –لطفی وکنعانی کیمی بیر رنگیمیز
گور سئدیب الحق شجاعت زینبین عاشقلری
امین- اسماعیل – کریمی بوللارین شهرتلری
علیپور و اصغرینین بی ر یا خد متلری
فخیمی و طالبینین جبهه ده وحدتلری
فرامرزی وعطائنین گوز ل صحبتلری
گور نجه تاپموش شرافت زینبین عاشقلری
شاد اولا روحین علی دوست-جنتی جنت مکان
سید مراثی و- بیضائی ده فدیه ایتدی جان
عبد الصمدلر قانی اسلامی ساخلار جاودان
آخماسایدی بولارین قانی اولاردوخ باغریقان
سیزلره مدیوندی ملت زینبین عاشقلری
گلدی مهمان بوشهیدانه سلیمانی آدی
اولدی دوقوز تن شهیدیلن داغیلدی اجسادی
داعشی شوم عهدینه چاتسون بوسردار قویمادی
کفریلن جنگ ایله ماقدان حاجی قاسم دویمادی
ایلییر حقدن اطاعت زینبین عاشقلری
رهبره لبیک سویلوب باخدی دائم امرینه
جان عالملر فدا اولسون بونون دوز صبرینه
بیروصیتلر ادیب دور لطف ایله باخ طرحینه
سویلدی سرباز یازولسون حتی سنگ قبرینه
مکتبه گتدی شرافت زینبین عاشقلری
بو شهیدان مدافع هایدا وادور باشی دور
اولسا انگشتر سلیمانی اولارین قاشی دور
ای عصرین حسینی اولسا بو قارداشی دور
بو سوزه تائید گوزلردن آخان قان یاشی دور
کفردن ایلر برائت زینبین عاشقلری
بوسوزی عارف اولانلار درک ائدر فورا بولر
قان ایچینده جان وئرن وقته نئیه بوللار گولر
زینبی بوللار گورر اوندان صورا جان بذل ایلر
زنده دور هر تک تکی من یازمارام بو للار ئولر
چون ائدر حقدن حمایت زینبین عاشقلری
چکدیلر دشمنلرین هر طرحینه نقش عدم
بو للارا قربان بیراوغلوم اوچ قیزیم سگیز نو ه م
یوللاریندا جان وئرم لا سویله مم اولسون قسم
یادگاری دور آدیم بوللاری دیلدن ایسترم
آرزو ایلر شهادت - زینبین عاشقلری
چوخدی احسان.آدلاری یاز جمله سی پاینده دی
زینبین سربازلاری وئر سن لقب زیبنده دی
شیعه لر همت لریندن دائماً شرمنده دی
بوللارافیض شهادت نعمت ارزنده دی
حقّیدن آلدی بشارت زینبین عاشقلری
===============
اسامی شهدای مدافعان حرم آ-ش
1-وحیدفرهنگی2-محمدرضا فخیمی
3-وحیدنومی گار4-ذاکرحیدری5
-عبداله باقری6-صادق عدالت اکبری
7 -حجت اصغری8-امین کریمی
9-اسماعیل کریمی10-عباس عبدالهی
11- روح اله طالبی12-مهدی علیدوست
13-احمدعطائی14-حامدجوانی
15-علی کنعانی16-محرم علیپور
17-محسن فرامرزی18-محمد رضاپور بیضائی
19-سیدرضا مراثی 20-اکبرزوار جنتی
21-امیرلطفی22-عبدالصمد امام پناه
سپهبد حاج قاسم سلیمانی بانه نفر دیگر درروز جمعه مورخه
در فرودگاه بغداد توسط هلوکپتر های امریکا مورد حمله قرار گرفتند98/10/13
مثل گل خندان وبه درجه شهادت نایل شدند
درباره این سایت